Ermənistan növbəti dəfə avantüra ilə məşğuldur. Sülhlə bağlı ilkin şərt kimi irəli sürülən məsələlərdən erməni tərəfi imtina edir. Bu ilk növbədə ATƏT-in Minsk qrupunun ləğvi və Avropa İttifaqının Azərbaycanla şərti sərhəddə yerləşdirilmiş “missiyası” ilə bağlıdır.
Bunu politoloq Zərdüşt Əlizadə deyib.
“İndiki halda Minsk qrupunu saxlamaq mənasızdır. Təşkilat keçmiş Dağlıq Qarabağ münaqişəsini həll etmək məqsədilə yaradılmamışdı. Bu alət idi. Üç dövlət (ABŞ, Rusiya və Fransa) Cənubi Qafqazda iradələrini qəbul etdirməyə çalışırdılar. 30 illik münaqişə dövründə Minsk qrupu heç bir fundamental sülh təklifi ilə çıxış etməyib”, - deyə o əlavə edib.
Politoloq hesab edir ki, münaqişənin həllindən və Qarabağın azad edilməsindən sonra Minsk qrupuna ehtiyac qalmayıb:
“Artıq Rusiya bunu anlayır. Kreml Qarabağ kartından istifadə edə bilməyəcəyinin fərqindədir. Rusiya-Ukrayna müharibəsindən sonra qrupun digər üzvləri ABŞ və Fransa Rusiyanın mövqeyini dəstəkləmək istəmir. Ona görə də, Moskva həmin təşkilatdan imtina edir”.
Zərdüşt Əlizadəyə görə, Cənubi Qafqazdakı iddialarına nikbin baxan ABŞ və Fransa isə Minsk qrupunu alət kimi itirmək istəmir:
“Qərblə inteqrasiyaya can atan Ermənistan rəhbərliyinə də “Minsk qrupundan imtina etmə” təlimatı gəlib. Ona görə də, Nikol Paşinyan Azərbaycanla Ermənistan arasında sülh müqaviləsi imzalandıqdan sonra qurumdan imtina etməyin mümkünlüyündən danışır. Avropa İttifaqının da “missiyasının” sərhədlərin dəqiqləşməsindən sonra bölgədən çıxmaq ehtimalı gündəmə gətirilir”.
"Artıq onların pensiya vaxtıdır" - İlham Əliyev
Paşinyan Əliyevin bu tələbinin icrasına başlayır - Qarabağla bağlı tarixi gediş
Qarabağa dair sülhməramlı qüvvələrdə Rusiya, ABŞ, Fransa, Türkiyə və İran təmsil olunmayacaq
ALEKSANDR DUQIN: "RUSIYA AZƏRBAYCANA QARŞI DAHA ERMƏNISTANIN ALƏTI OLMAYACAQ"
"ABŞ və Fransa Rusiyanın Cənubi Qafqazdakı rolunu azaltmaq məqsədi güdür" - TƏHLİL