Sankt-Peterburqun Pulkova Hava Limanı sutka ərzində ikinci dəfə uçuşların qəbuluna məhdudiyyətlər tətbiq edib.
Bu barədə Federal Hava Nəqliyyatı Agentliyinin mətbuat xidməti məlumat yayıb.
“Mülki təyyarələrin uçuşlarının təhlükəsizliyini təmin etmək üçün bu gün Moskva vaxtı ilə saat 07:45-dən etibarən Sankt-Peterburqun Pulkovo hava limanının fəaliyyətinə müvəqqəti məhdudiyyətlər tətbiq edilib”, - məlumatda deyilir.
Mətbuat xidməti bildirir ki, aviadispetçerlər və hava limanının xidmətləri uçuşların təhlükəsizliyini təmin etmək üçün tədbirlər görür.
“Shot Telegram” kanalının məlumatına görə isə, hazırda eniş yolunda olan altı təyyarə Ladoqa gölü ərazisindəki gözləmə zonasındadır. Onların arasında Çerepovets, Tümen, Çelyabinsk, Samara, Novosibirsk və Permdən uçuşlar var. İlkin məlumatlara görə, məhdudiyyətlər pilotsuz uçuş aparatlarının hücum təhlükəsi ilə əlaqədar tətbiq edilib.
Bundan əvvəl yanvarın 4-də Sankt-Peterburqun Pulkovo hava limanında məhdudiyyətlərin qoyulduğu bildirilmişdi. Sərnişinlər hava limanından uça bilməyiblər. Həmçinin gecə, hava hücumundan müdafiə sistemi Luqa körfəzində bir pilotsuz təyyarəni vurub. Leninqrad vilayətinin qubernatoru Aleksandr Drozdenko hadisə nəticəsində tələfat və dağıntıların olmadığını qeyd edib.
Bu tarixdən etibarən Mahaçqala-Bakı uçuşları başlayır
Krasnodar hava limanı bağlandı
Bu tarixdən Sankt-Peterburqdan Antalyaya uçuşlar başlayacaq
Bakı-Moskva təyyarəsi Domodedovodakı məhdudiyyət səbəbindən Şeremetyevo hava limanına enib
Sərnişinin vəziyyəti pisləşdi - Təyyarə təcili eniş etdi