Bakı şəhərində taksi fəaliyyəti ilə məğul olanlar üçün yeni qadağa qüvvəyə minib.
Oktyabrın 9-dan etibarən bəzi avtomobillərin Bakı şəhərində taksi kimi istifadəsinə qadağa qoyulub.
Söhbət 2009-2010-cu illər istehsalı olan avtomobillərdən gedir.
Azərbaycan Yerüstü Nəqliyyat Agentliyində (AYNA) bu məlumatı təsdiqləyiblər. Agentlikdən FED.az-a bildirilib ki, dövlət qeydiyyat şəhadətnaməsində göstərilən buraxılış tarixindən 15 ildən artıq müddət keçən avtomobil nəqliyyatı vasitələri taksi minik avtomobili kimi istifadə oluna bilməz.
Qadağanın bugündən tətbiq edilməsinə gəlincə, AYNA-dan bildirilib ki, belə avtomobillərin sahibləri iyulun 1-dək müraciət edə bilərdilər. Həmin tarixə qədər müraciət etməyənlər artıq həmin avtomobillərdən istifadə edə bilməyəcəklər.
«Yaşı 15 ili keçməyən avtonəqliyyat vasitələri ilə taksi fəaliyyəti göstərmək istəyənlər 1 iyul 2024-cü il tarixinə kimi icazə üçün müraciət edə bilərdilər. 1 iyuldan sonra yalnız yaşı 8 ilə qədər olan nəqliyyat vasitələri icazə üçün müraciət edə bilirlər»- deyə agentlikdən bildirilib.
Bu maşınların taksi fəaliyyətinə icazə verilməyəcək
Bu gündən taksi fəaliyyəti ilə bağlı yeni qaydalar qüvvəyə minir
Azərbaycanda taksi fəaliyyəti üçün icazə alan sürücülərin sayı 5 000-i ötüb
AYNA: “Taksilərlə bağlı yeni tələblər Azərbaycanda qıtlıq yaratmayacaq”
Taksi fəaliyyəti üçün buraxılış vəsiqəsinin rüsumu açıqlandı