Türkiyənin müdafiə sənayesində irəliləyişi və hərbi sistemdə etdiyi islahatlar Yunanıstanda təşviş yaradıb. Yunanıstanın müdafiə naziri Nikos Dendias silahlı qüvvələrin tam yenidən qurulması istiqamətində işlərin aparıldığını açıqlayıb.
Açıqlamaları ilə tez-tez Türkiyənin reaksiyası ilə üzləşən Dendias monastırda iştirak etdiyi dini mərasimdə çıxış edib.
Silahlı qüvvələri yenidən quracaqlarını ifadə edən nazir araşdırmanın baş nazir Kiriakos Mitsotakisə təqdim edildiyini də bildirib.
Dendias çıxışında adını çəkmədən Türkiyəyə işarə edib: "Biz 11 milyon əhalisi olan kiçik bir ölkəyik. Təhdidlərlə üzləşirik və bizə qarşı ən əsaslı iddia 100 milyona yaxın əhalisi olan ölkədən gəlir. Nəticədə ehtiyat hərbi elementdən istifadə edilmədən ölkə müstəqilliyinin, suverenliyinin və ərazi bütövlüyünün qorunması üçün hazırlıq səviyyəsinə çata bilmərik”.
Özlərinə uyğun strukturu müəyyən etmək üçün oxşar ölkələri araşdırdıqlarını qeyd edən nazir bu dəyişiklikləri yeni ilə qədər edəcəklərini açıqlayıb.
Zakir Həsənov Türkiyənin Hərbi Dənizçilik və Təyyarəçilik məktəblərinin buraxılış mərasimində iştirak etdi
Ərdoğan: “Nazirimiz Dendiasa həddini bildirdi”
"Orduda Türkiyə Silahlı Qüvvələrinə uyğun islahatlar həyata keçirilir" - Nazir
Türkiyəli nazir yunanıstanlı həmkarını cavabı ilə susdurdu - VİDEO
ELAN EDİLDİ: Türkiyə gələcəyin silahını yaradır