Rusiya prezidenti Vladimir Putin tammiqyaslı işğaldan sonra ilk dəfə Ukraynaya ikitərəfli danışıqlar təklif edib. Publika.az xəbər verir ki, bu barədə “Reuters” qeyd edib.
Nəşr yazıb ki, Zelenski Putinin təşəbbüsünə cavab verməsə də, Ukraynanın atəşkəslə bağlı istənilən danışığa hazır olduğunu vurğulayıb: “Putinin bəyanatı heç bir irəliləyiş əldə olunmasa, sülh səylərindən əl çəkəcəyi ilə hədələyən ABŞ-ın təzyiqi fonunda baş verib”.
"Bizim istənilən sülh təşəbbüslərinə müsbət münasibətimiz var. Ümid edirik ki, Kiyev rejiminin nümayəndələri də belə hiss edəcəklər", - Putin deyib.
Kremlin mətbuat katibi Dmitri Peskov daha sonra prezidentin sözlərini belə izah edib: “Putin mülki obyektlərin vurulmaması məsələsini, o cümlədən ikitərəfli əsasda müzakirə etməyin mümkün olduğunu deyəndə, Ukrayna tərəfi ilə danışıqlar və müzakirələri nəzərdə tuturdu”.
O əlavə edib ki, Rusiya Federasiyası sülh yolu ilə həll tapmağa açıqdır. Peskov hətta Amerika tərəfi ilə iş aparıldığını xatırladıb və bunun “nəticə verəcəyinə” ümid etdiyini bildirib.
Maraqlıdır ki, 2022-ci ilin fevralında Rusiyanın Ukraynaya genişmiqyaslı müdaxiləsinin ilk günlərindən bəri tərəflər arasında birbaşa danışıqlar aparılmayıb.
Ötən həftənin sonunda ABŞ prezidenti Donald Tramp və dövlət katibi Marko Rubio bir neçə gün ərzində heç bir irəliləyiş olmasa, sülh danışıqlarından uzaqlaşa biləcəklərini bildiriblər.
Bu və gündəmdəki digər xəbərləri bu gün saat 11.00-də aparıcı Sevinc Telmanqızının təqdimatındakı “Canlı debat” verilişində siyasi ekspert Fikrət Yusifov və Azər Həsrətlə müzakirə edəcəyik. Müzakirədə tamaşaçılarımız da iştirak edə bilər.
[media=https://www.youtube.com/embed/O31aAyP5Vxw]
Makron Putin və Zelenski ilə danışıqlar aparıb
Putin Ukrayna ilə bağlı mühüm mesajlar verəcək: Lukaşenko ilə görüşdən sonra
İlham Əliyev və Putinin ikitərəfli görüşü olacaq
Peskov Putinin yerini açıqladı
Putin Əliyevə zəng etdi: Nələri müzakirə ediblər?