İran rəhbərliyinin ölkənin siyasi və iqtisadi mərkəzlərini respublikanın cənub sərhədlərinə, Fars körfəzi sahillərinə köçürməkdən başqa çarəsi yoxdur.
Bu sözləri İran prezidenti Məsud Pezeşkian bildirib.
O, Tehranın problemlərlə üz-üzə qaldığını və hakimiyyətin paytaxtı köçürməkdən başqa çarəsinin olmadığını bəyan edib.
Pezeşkian qeyd edib ki, bir sıra mülahizələrə, ilk növbədə, iqtisadi səbəblərə görə Tehranı paytaxt kimi saxlamaqda davam etmək qeyri-mümkün olur.
“Mövcud tendensiyanı davam etdirməklə ölkəni inkişaf etdirmək mümkün deyilsə, əgər biz cənubdan və dənizdən Tehrana resurslar gətirmək, sonra onları məhsula çevirmək və ixrac üçün yenidən cənuba göndərmək istəyiriksə, bu, rəqabət qabiliyyətliliyimizi daha da azaldacaq”, - İran prezidenti qeyd edib.
Eyni zamanda o, yeni paytaxt mərkəzi seçildikdən sonra bütün dövlət idarələrinin ora köçürüləcəyini, bundan sonra Tehran sakinlərinə respublikanın yeni paytaxtına köçmək imkanı veriləcəyini vurğulayıb.
Pezeşkian: "İran Avropa ölkələri ilə konstruktiv dialoqa ümid edir"
Azərbaycanəsilli Məsud Pezeşkian İran prezidenti oldu
İran Parlamenti Nazirlər Kabinetinin yeni tərkibini təsdiq etdi
İran mümkün müharibə kontekstində kömək üçün Rusiyaya müraciət edib
İranda prezident seçkisində səsvermə başa çatdı