etanyahu: "Qüds İsrailin paytaxtı olaraq qalacaq və bölünməyəcək"

İsrailin Baş naziri Benyamin Netanyahu Qüdsün İsrail tərəfindən işğalının 53-cü ildönümündə çıxış edib.

Sonxeber.az xarici KİV-ə istinadən xəbər verir ki, nazir Netanyahu Qüdsün İsrailin paytaxtı olaraq qalacağını və bölünməyəcəyini iddia edib: "Həmçinin mən bu mövqeyi hökumətdəki yeni tərəfdaşlarıma elan etməkdən məmnunam".

1967-ci ildə başlayan Şərqi Qüdsdə İsrail işğalının 53-cü ildönümü ilə əlaqədar yüzlərlə yəhudi nəqliyyat vasitələri ilə meydana axın ediblər.

Şərqi Qüdsün müxtəlif yerlərində nümayişlər təşkil edən yəhudilər, Məscidül-Əqsa da daxil olmaqla Qədim Şəhər ətrafında İsrail bayraqları ilə yürüş ediblər.

Qeyd edək ki, İsrail 1967-ci il müharibəsi zamanı Şərqi Qüdsü işğal edib.

F.Ağayeva