İsrail alimləri virusu bədəndə izolə edən antitel hazırladılar

İsrail alimləri koronavirus əleyhinə “cığır açan” addım atıblar.
“Qafqazinfo” xarici mediaya istinadən xəbər verir ki, bu barədə İsrailin Müdafiə naziri Naftali Bennet bildirib. Onun sözlərinə görə, alimlər Covid-19-u insan bədənində izolyasiya edə bilən “monoklonal antitel” hazırlayıblar və beynəlxalq dərman şirkətlərindən biri kütləvi istehsal üçün onun patentini alıb.
Bu antitel insan bədənində xəstəliyə yol açan virusu neytrallaşdırır.
Bennett qeyd edib ki, İsrail Bioloji Təhqiqatlar İnstitutunda antitelin hazırlanmasında 50-dən çox alim birgə işləyib.