"Azərbaycan Respublikası və Ermənistan Respublikası arasında dövlət sərhədinin delimitasiyası üzrə Dövlət Komissiyasının və Ermənistan Respublikası və Azərbaycan Respublikası arasında dövlət sərhədinin delimitasiyası məsələləri və sərhəd təhlükəsizliyi üzrə Komissiyanın birgə fəaliyyəti haqqında" Əsasnamə layihəsinin razılaşdırılması üzərində komissiyalar iş aparırlar.
AZƏRTAC xəbər verir ki, bununla bağlı Azərbaycan Respublikası Baş nazirinin müavini Şahin Mustafayevin xidməti məlumat yayıb.
Qeyd olunub ki, 2024-cü il iyulun 1-nə olan vəziyyətə görə, komissiyalar işçi qaydada Əsasnamənin layihələrinin mübadiləsini həyata keçirib və bir sıra müzakirələr aparıblar:
"Danışıqlar konstruktiv məcrada davam edir. Razılaşdırma proesinin tezliklə başa çatdırılması planlaşdırılır".
Xatırladaq ki, sonuncu dəfə delimitasiya işləri nəticəsində 12,7 km uzunluğunda sərhəd xətti müəyyən edilib və bununla Azərbaycan Respublikasının Qazax rayonunun dörd kəndinin: Bağanıs Ayrım, Aşağı Əskipara, Xeyrımlı və Qızılhacılının ərazilərinin (6,5 kvadrat kilometr) Azərbaycana qaytarılması təmin olunub.
Azərbaycan-Ermənistan delimitasiya komissiyasının iclası keçirildi - XİN-dən AÇIQLAMA (YENİLƏNİB)
Azərbaycan və Ermənistan rəsmiləri yenidən görüşəcəklər
Baş nazirdən Azərbaycan-Ermənistan sərhədi ilə bağlı QƏRAR
Qazaxın Xeyrimli kəndində erməni istehkamçı minaya düşüb
Azərbaycan-Ermənistan delimitasiya üzrə Komissiyanın növbəti görüşü ilə bağlı AÇIQLAMA - YENİLƏNİB