Qazaxın Xeyrimli kəndində mina təmizləmə işləri zamanı erməni istehkamçı minaya düşüb.
Bu barədə “Sputnik-Armeniya” məlumat yayıb.
Ermənistan Müdafiə Nazirliyinin mətbuat katibi Aram Torosyan bildirib ki, ilkin məlumatlara görə, onun həyatı üçün təhlükə yoxdur.
Xatırladaq ki, 2024-cü il aprelin 19-da Azərbaycan Respublikası və Ermənistan Respublikası arasında sərhəddə Azərbaycan Respublikası Baş nazirinin müavini Şahin Mustafayevin və Ermənistan Respublikası Baş nazirinin müavini Mqer Qriqoryanın sədrliyi ilə Azərbaycan Respublikası ilə Ermənistan Respublikası arasında dövlət sərhədinin delimitasiyası üzrə Dövlət Komissiyası və Ermənistan Respublikası ilə Azərbaycan Respublikası arasında dövlət sərhədinin delimitasiyası və sərhəd təhlükəsizliyi məsələləri üzrə Komissiyanın səkkizinci görüşü keçirilib. Görüş zamanı komissiyalar bir sıra məsələlər üzrə razılığa gəliblər. Onlardan biri də Qazax rayonunun işğalda olan kəndlərindən 4-nün geri qaytarılması üzrə olub.
Azərbaycan-Ermənistan delimitasiya komissiyasının iclası keçirildi - XİN-dən AÇIQLAMA (YENİLƏNİB)
Baş nazirdən Azərbaycan-Ermənistan sərhədi ilə bağlı QƏRAR
Azərbaycan və Ermənistan rəsmiləri yenidən görüşəcəklər
Azərbaycan-Ermənistan delimitasiya üzrə Komissiyanın növbəti görüşü ilə bağlı AÇIQLAMA - YENİLƏNİB
Azərbaycan-Ermənistan dövlət sərhədinin delimitasiyası üzrə Dövlət Komissiyası yaradılıb - SƏRƏNCAM