Paris-2024”də fərqli Azərbaycan millisi görəcəyik.
Bunu jurnalistlərə açıqlamasında, Azərbaycanın qadınlardan ibarət 3x3 basketbol millisinin baş məşqçisi Raşa Deliç deyib.
Serbiyalı mütəxəssis bu gün start götürən 3x3 basketbol üzrə Dünya Qadın Seriyasının Qəbələ mərhələsi barədə danışıb: “Fiziki hazırlıq baxımından çatışmazlıqlar var. Son 2-3 həftədə bunun üzərində işlədik. Sözün yaxşı mənasında “Paris-2024”də fərqli Azərbaycan millisini görəcəyik. Basketbolçularımızın ayaqları ağırlaşıb. Çünki həqiqətən ağır tərzdə məşqlər keçirdik. Qarşıda bizi bir neçə yarışlar gözləyir. Dünya Qadın Seriyasının Qəbələ mərhələsi bu turnirlərə hazırlıq xarakteri daşıyır”.
Qeyd edək ki, Azərbaycan millisi Dünya Qadın Seriyasının Qəbələ mərhələsində yer aldığı “A” qrupunda iki görüş keçirib. “Baku Fleyms” klubuna qalib (21:6) gələn yığma, Portuqaliyaya məğlub (13:21) olub.
Basketbolçularımız Tailandda keçirilən beynəlxalq turnirdə ikinci olublar
Qəbələdəki beynəlxalq basketbol turnirində ilk günə yekun vurulub
Azərbaycan Basketbol Liqasında həlledici mərhələ başlayır
Azərbaycanın qadın boksçusu II Dünya Olimpiya Təsnifat Turnirində 1/4 finala yüksəlib
Arif Əsədov: “Bolqarıstanla matç çətin olacaq”