Azərbaycan Fransanın Paris şəhərində keçirilən Ümumdünya Heyvan Sağlamlığı Təşkilatının (ÜHST) Nümayəndələri Assambleyasının 91-ci Ali Baş Sessiyasında Avropa regionunda heyvan rifahı platforması üzrə dördüncü fəaliyyət planın həyata keçirilməsi üçün təyin olunan beş ölkədən ibarət ali komitənin üzvlüyünə seçilib.
Bu barədə Azərbaycan Qida Təhlükəsizliyi Agentliyindən (AQTA) məlumat verilib.
Qeyd edilib ki, ali komitənin üzvlüyünə seçkilər ölkədə aparılan vahid sağlamlıq tədbirləri, heyvanların rifahı sahəsində görülən işlər əsas götürülərək təyin olunur.
Bildirək ki, hazırda dünyada “Vahid sağlamlıq” konsepsiyasının tərkib hissəsi kimi “Heyvanların rifahı” konsepsiyası tətbiq olunmaqdadır. Bu konsepsiyanın əsas məqsədi insan və heyvan sağlamlığı, eləcə də ətraf mühit kontekstində birgə əlaqəli fəaliyyətlərin həyata keçirilməsidir. Qeyd olunan fəaliyyətlər ətraf mühit, heyvanlardan insanlara yoluxan xəstəliklər, antimikrob rezisdentliyi kimi məsələləri əhatə edir. Nəzərdə tutulan tədbirlərin icrası üçün ÜHST-nin müxtəlif region ölkələrində heyvan rifahı platforması yaradılıb.
Xatırladaq ki, ÜHST-nin yaranmasının 100 illiyinə həsr edilmiş tədbirlər çərçivəsində baş tutan sessiyada 183 üzv ölkənin və beynəlxalq təşkilatların nümayəndələri iştirak edirlər.
Monqolustandan ölkəmizə ət idxalına məhdudiyyət qoyuldu
Estoniyadan Azərbaycana quşçuluq məhsulları gətirilməsi dayandırıldı
Azərbaycan ölkələrdən quşçuluq məhsullarının idxalına məhdudiyyət qoydu
Bu ölkələrdən idxala məhdudiyyət qoyuldu
Bu ölkələrdən Azərbaycana quş əti idxalı QADAĞAN EDİLDİ