Bakıda “Zəfər" Şəhid Ailələrinə Dəstək İctimai Birliyinin təşkilatçılığı ilə “Türk dünyasının şəhid ailələri arasında əlaqələrin inkişafı” adlı k

Bakıda mühəndislik fakültəsində təhsil alan və şəhid ailələrinin üzvləri olan 10 tələbə İstanbul Teknik Universitetinin Şimali Kipr filialında yay məktəbinə qoşulacaq.
Bunu “Zəfər” Şəhid Ailələrinə Dəstək İctimai Birliyinin sədri Sevinc Alızadə "Türk dünyasının şəhid ailələri arasında əlaqələrin inkişafı" adlı konfransda çıxışı zamanı deyib.

O bildirib ki, qardaş Şimali Kipr Türk Cümhuriyyətindən (ŞKTC) ilk dəfə şəhid ailələrinin Azərbaycana səfəri iki ölkə arasında uğurla inkişaf edən əlaqələrdə mühüm körpüdür: “Türk dünyası ilə əlaqələr getdikcə genişlənir. Biz bir ailəyik, kökümüz, dilimiz, dinimiz, yolumuz eynidir. Birlikdə daha güclüyük! Şəhidlərimiz də bir-birimiz üçün müqəddəsdir. Onları sonsuz sevgi, hörmət və ehtiramla anırıq”.

ŞKTC-nin “Şəhid Ailələri və Qazilər Dərnəyi”nin sədri Gürsel Benan qeyd edib ki, bu cür ortaq layihələr şəhid ailələri arasında sevinci artırır, kədəri azaldır.

Daha sonra QHT sədri Sevinc Alızadə deyib ki, Bakıda mühəndislik fakültəsində təhsil alan və şəhid ailələrinin üzvləri olan 10 tələbə İstanbul Teknik Universitetinin Şimali Kipr filialında yay məktəbinə qoşulacaqlar. Sözügedən səfər iyul ayında baş tutacaq: "Düşünürəm ki, bu cür səfərlər qarşılıqlı əlaqələrimizin inkişafında xüsusi rol oynayacaq".