Bakı şəhəri 158 nömrəli tam orta məktəbdə Aprel döyüşlərinin 8-ci ildönümünə həsr olunmuş "Böyük zəfərin başlanğıcı" adlı tədbir keçirilmişdir.

05.04.2024-cü il tarixində Bakı şəhəri 158 nömrəli tam orta məktəbdə Aprel döyüşlərinin 8-ci ildönümünə həsr olunmuş "Böyük zəfərin başlanğıcı" adlı tədbir keçirilmişdir. Tədbirdə Azərbaycan Respublikasının Dövlət Himni səsləndikdən sonra şəhidlərin xatirəsi bir dəqiqəlik sükutla yad edildi.Şagirdlərin ifasında aprel hadisələrinə,o cümlədən,aprel şəhidi olan məktəbimizin məzunu Cabbarxan Hacıağayev və məktəbimizin tarix müəllimi Ayşən Qarayevanın qardaşı aprel şəhidi Fərman Əsədliyə həsr olunmuş kompozisiya və videoçarxlar nümayiş etdirildi.Ayşən Qarayeva qardaşı haqqında xatirələrini danışdı.Daha sonra məktəbin tarix müəllimi Mətanət Əliyeva "Aprel döyüşləri böyük qələbəmizin başlanğıcı" mövzusunda öz çıxışını etdi. Tədbirin sonunda "Aprel döyüşləri" adlı mahnı səsləndi.
Tədbirdə məktəb rəhbərliyi,müəllimlər,şagirdlər,
valideynlər və digər qonaqlar iştirak edirdi.