Bakı şəhəri 158 nömrəli tam orta məktəbdə 31 Mart Azərbaycanlıların soyqırımı gününə həsr olunmuş tədbir keçirilmişdir.

29.03.2024-cü il tarixində Bakı şəhəri 158 nömrəli tam orta məktəbdə Tərbiyə işləri üzrə direktor müavini Nəzakət Cəfərovanın təşkilatçılığı ilə 31 Mart Azərbaycanlıların soyqırımı gününə həsr olunmuş tədbir keçirilmişdir. Azərbaycan Respublikasının Dövlət Himni səsləndikdən sonra, soyqırım qurbanlarının və bütün şəhidləriin xatirəsi bir dəqiqəlik sükutla yad edildi.

Tədbirdə gənc nəslə tariximizin həqiqətlərini anlatmaq, onlara vətənpərvərlik ruhunu aşılamaq məqsədilə tarix müəllimi Gülmirə Abbasova, psixoloq Almaz Qasımova çıxış edərək 31 Mart soyqırımı haqqında şagirdlərə geniş məlumat verdilər, tarixboyu ermənilərin Azərbaycan xalqına qarşı törətdikləri faciələrdən danışdılar. Şagirdlər 31 Mart soyqırımına həsr etdikləri təqdimatlarla çıxış etdilər.