Zövnə sakinlərini bayramda daha da sevindirən qaz açılışı — VİDEO

Lerik rayonunun Zövnə kəndi çətin relyef şəraitinə baxmayaraq SOCAR-ın “Azəriqaz” İB tərəfindən qazlaşdırılan növbəti yaşayış məskəni olub. Özü də Novruz bayramı ərəfəsində. Bayramlarına bayram qatan təbii qazın açılışını etmək üçün Birliyin məsul şəxsləri adıçəkilən kənddə olublar.

Mavi yanacağın verilişi təmin edildikdən sonra Zövnə kəndində yaşayan şəhid ailələrinə baş çəkilib, onların qayğıları ilə yaxından maraqlanılıb.

Qeyd edək ki, 32 evdən ibarət Zövnə kəndində şəhid və qazi ailələrinə məxsus 4 ev SOCAR-ın “Azəriqaz” İB-nin daxili imkanları hesabına qazlaşdırılıb.

Həyata keçirilən qazlaşdırma işləri çərçivəsində müxtəlif diametrli borularla ümumilikdə 6500 metrə yaxın qaz xətti çəkilib.