Rusiya Xarici Kəşfiyyat Xidməti ilə ABŞ Mərkəzi Kəşfiyyat İdarəsi arasında dialoq dünyada vəziyyətin çox riskli sərhəd xəttinə yaxınlaşdığı bir şəraitdə təhlükəli hadisələrin qarşısını ala bilər.
Bunu “Ria Novosti”yə müsahibəsində Rusiya Xarici Kəşfiyyat Xidmətinin direktoru Sergey Narışkin deyib.
“Bir daha qeyd etmək istəyirəm ki, Rusiya Xarici Kəşfiyyat Xidməti ilə ABŞ Mərkəzi Kəşfiyyat İdarəsi dünyanın iki ən nüfuzlu kəşfiyyatı, iki ən güclü nüvə dövlətinin kəşfiyyat xidmətləridir və onlar arasında dialoq həmişə faydalıdır”, - Narışkin vurğulayıb.Onun sözlərinə görə, dünyanın birqütblü Amerika mərkəzli dünyadan daha ədalətli və təhlükəsiz çoxmərkəzli dünya nizamına doğru tektonik sürüşmə vəziyyətində olduğu şəraitdə belə dialoq və təmaslar sadəcə zəruridir.
Narışkin qeyd edib ki, Rusiya xarici kəşfiyyatında Qərb ölkələrinin rəhbərliyi və xüsusi xidmət orqanlarının Rusiyada vəziyyətin sabit olduğunu, əhalinin ölkənin siyasi rəhbərliyi ətrafında birləşdiyini dərk etdiyi barədə məlumatlar var. Onun sözlərinə görə, eyni zamanda, Qərb öz maraqlarına uyğun olaraq müxtəlif ölkələrdə inqilablar həyata keçirə biləcəyinə inanaraq, Rusiyada da inqilab təşkil etməyi düşünür, lakin bu, alınmayacaq.
Narışkin xaosla, minlərlə insanın ölümü və dağıntıları ilə müşayiət olunan “Ərəb baharı” adlanan inqilabları faciə hesab edərək bunu Qərb ölkələrinin, ilk növbədə ABŞ-ın vicdanına yazdığını vurğulayıb.
O xəbərdarlıq edib ki, Qərb Rusiyada sabitliyi pozmaq üçün planlar qurmaqdan əl çəkməlidir.
Narışkinin sözlərinə görə, anti-Rusiya müxalifətini gücləndirməyə və ölkədəki sabitliyi pozmağa çalışan Qərb heç nəyə nail ola bilməyəcək.
İlham Əliyev Xarici Kəşfiyyat Xidməti ilə bağlı fərman imzaladı
Prezidentdən Xarici Kəşfiyyat Xidməti ilə bağlı VACİB FƏRMAN
Rusiya agentlərinin kimliyi AÇIQLANDI
Dərin dövlət və ya kəşfiyyat xidməti... - “Mossad” belə yaranıb
Prezident MDB dövlətlərinin təhlükəsizlik və xüsusi xidmət orqanları rəhbərlərini qəbul edib