Macarıstan Baş naziri Viktor Orban Krımın Ukraynaya qaytarılmaması və Ukraynanın NATO-ya üzvlüyü olmadan Putinlə barışıq bağlamağı təklif edib.
“Ukrayna rusiyalıların say üstünlüyünə görə onsuz da müharibəni uduzacaq”, - deyə Orban bildirib.
O, həmçinin Krımın qaytarılması cəhdlərini “qeyri-real” adlandırıb.
Ukrayna Xarici İşlər Nazirliyi Viktor Orbanın bu təklifinə dərhal reaksiya verib.
Krımın Rusiyada qalması və Ukrayna üçün neytral statusun təmin edilməsinə çağıran Macarıstan baş nazirinə cavabında Ukrayna bunun qəti şəkildə mümkünsüz olduğunu qeyd edib.
“Macarıstanda vəziyyətin necə olduğunu bilmirik, lakin Ukrayna nə öz ərazilərinin, nə də suverenliyinin ticarətini aparmır. Dünya da bu ticarəti apara bilməyəcək”, - deyə Ukrayna Xarici İşlər Nazirliyinin spikeri Oleq Nikolenko vurğulayıb.
Mənbə: “Klymenko time” “Telegram”
Putin dedi ki, Ukrayna ordusu çox güclüdür - Orban
Krımın bu şəhərində Ukrayna bayrağı ucaldıldı
Zelenski Krımın azad ediləcəyini dedi
Macarıstanda fövqəladə vəziyyət elan OLUNDU
"Türkiyə Krımın ilhaqını tanımır" - Ərdoğan