Bakı ilə İrəvan arasında münasibətlərin hər iki ölkənin maraqları nəzərə alınmadan tənzimlənməsinə ümid etmək olmaz.
Bu barədə Rusiya Xarici İşlər Nazirliyinin sözçüsü Mariya Zaxarova bildirib.
O, Azərbaycana təzyiqləri artırmaq üçün beynəlxalq aləmdə yeni təşəbbüslə çıxış etmək niyyətində olan Fransa prezidenti Emmanuel Makronun açıqlamalarını belə şərh edib: "Moskva bir tərəfdən Rusiyanın Bakı ilə İrəvan arasında münasibətləri normallaşdırmaq səylərinə zidd olmayan istənilən təşəbbüsləri alqışlayır. Digər tərəfdən, Fransanın bu sahədəki fəaliyyəti bizə yaxşı məlumdur. Vasitəçilik səyləri çərçivəsində münaqişənin hər iki tərəfinin mövqeyi nəzərə alınmalıdır. Bunsuz vəziyyətin həllində irəliləyişə ümid etməyə dəyməz".
Bundan əvvəl Makron Azərbaycan prezidenti İlham Əliyev və Ermənistanın baş naziri Nikol Paşinyanla telefon danışığı aparıb. O, Qarabağ münaqişəsinin həlli üçün yeni təşəbbüslə çıxış edəcəyini bildirib.
Makron İlham Əliyevə zəng etməyə hazırlaşır
Makron Putin və Zelenski ilə danışıqlar aparıb
Rəsmi Bakı Makrona cavab verdi
"Ümid edirəm ki, 2023-cü il Bakı və İrəvan arasında normallaşmada sıçrayış ili olacaq" - İlham Əliyev
Rusiya XİN Azərbaycan və Türkiyə arasında imzalanan Şuşa Bəyannaməsinə münasibət bildirib