Sosial şəbəkələrdə “Hüseynçi” ləqəbi ilə tanınan və bir müddət əvvəl dövlətə xəyanət ittihamı ilə 17 il müddətinə azadlıqdan məhrum edilən Kərbəlayi Səbuhi (Səlimov) vəfat edib.
hemlemedia.az xəbər verir ki, bu barədə onun yaxınları məlumat verib. Kərbəlayi Səbuhinin bir müddət idi aclıq aksiyası keçirdiyi bildirilirdi.
Mərhumun ailəsi “Amerikanın səsi”nə bildirib ki, S. Səlimov ötən gün Bakı Apellyasiya Məhkəməsində vəfat edib. Belə ki, hakim Həsən Məmmədovun sədrliyi ilə keçirilən iclasda S.Səlimov barədə Bakı Ağır Cinayətlər Məhkəməsinin hökmü qüvvədə saxlanılıb. Bundan sonra o, ürəktutmadan dünyasını dəyişib.
Qeyd edək ki, S. Səlimov 2022-ci il noyabrın 11-də Bakı Ağır Cinayətlər Məhkəməsinin hökmü ilə 17 il müddətə azadlıqdan məhrum edilib.
S. Səlimov ötən il Dövlət Təhlükəsizliyi Xidməti tərəfindən saxlanılıb. O, Cinayət Məcəlləsinin 274-cü (dövlətə xəyanət) maddəsi ilə ittiham olunub. İttihama görə, Səbuhi Səlimov İran xüsusi xidmət orqanı olan SEPAH-la əməkdaşlıq edib, SEPAH rəhbərlərindən təlimatlar alıb.
DTX-nın tutduğu generalın gömrükçü kürəkəni də həbs edildi
Keçmiş icra başçısı vəfat etdi
Rasim Məmmədovun Aygündən aldığı evə qoyulan həbs götürüldü
QHT sədrinin apellyasiya şikayəti təmin olunmayıb - ATƏŞ.AZ
Şöbədə arvadını öldürən sabiq polisə 18 il HƏBS CƏZASI VERİLDİ