Əmək və Əhalinin Sosial Müdafiəsi Nazirliyi işsizlər və xüsusi karantin rejiminə görə işini itirən qeyri-formal məşğul şəxslərdən ibarət aztəminatlıların daha 50 min nəfəri üçün birdəfəlik vəsaiti (190 manat) aidiyyəti üzrə köçürüb.
Əmək və Əhalinin Sosial Müdafiəsi Nazirliyinin İctimaiyyətlə əlaqələr və kommunikasiya şöbəsindən ONN media -ya verilən məlumata görə, Prezident İlham Əliyevin tapşırığına əsasən birdəfəlik ödəmə proqramının əhatə dairəsi 3 dəfə artırılıb və proqram üzrə 600 min şəxs üçün birdəfəlik ödəniş edilməsi nəzərdə tutulub. Aprelin 9-dan gündəlik olaraq ödəniş prosesi həyata keçirilir. Artıq birdəfəlik ödəmə vəsaiti köçürülənlərin sayı 400 minə çatıb. Onlara ümumilikdə 76 milyon manat vəsait köçürülüb.
Birdəfəlik ödəmə vəsaiti köçürülən şəxsin bu ödəməni almaq üçün müraciət edərkən qeyd etdiyi telefon nömrəsinə bu barədə SMS göndərilir.
O, mesajı aldıqdan sonra, evdən çıxmaq üçün müvafiq qaydada icazə alaraq, mesajda “Azərpoçt” MMC qeyd edildiyi halda istənilən poçt şöbəsinə, bank göstərildiyi halda həmin bankın istənilən filialına şəxsiyyət vəsiqəsi ilə müraciət edərək birdəfəlik ödəməni əldə edir.
ONN İnformasiya Agentliyi
İşsiz şəxslərə birdəfəlik ödəmənin verilməsinə başlanılıb
49 MƏNZİLİ OLAN ŞƏXS 190 MANAT ALMAQ ÜÇÜN MÜRACİƏT EDİB – İNANILMAZ
“190 MANATIN VERİLMƏSİ İLƏ BAĞLI ŞƏRTLƏR DƏYİŞİR? – RƏSMİ
190 manat müavinəti almağa gedən şəxslər icazə müddəti bitdikdə cərimələnir? - AÇIQLAMA
GƏLƏN AYDAN 190 MANATI BELƏ ALACAQSIZ — ÖDƏMƏ QAYDASI DƏYİŞİR