Rusiya Prezidenti Vladimir Putin yanvarın 11-i nazirlər və digər qurumların rəhbərləri ilə görüş keçirib.
hemlemedia.az Rusiya mediasına istinadən xəbər verir ki, onlayn şəkildə keçirilən iclas zamanı Putin ölkənin Baş nazirinin müavini, sənaye və ticarət naziri Denis Manturovu kəskin tənqid edib.
Belə ki, Rusiya lideri Manturovu aviasənayedə bir çox müəssisədə yeni təyyarələrlə bağlı sifarişlərin olmamasına görə danlayıb.
Onun sözlərinə görə, zavodlarda hələ də sifarişlər yoxdur: “Direktorlar mənə dedi ki, müəssisələrdə hələ də müqavilələr yoxdur. Niyə boş-boş oturursunuz? Müqavilələr nə vaxt hazır olacaq?”
Putin göstəriş verdiyi işlər gec yerinə yetirildiyi üçün Manturova öz iradlarını bildirib.
Qeyd edək ki, Vladimir Putin Manturova ölkəyə nə qədər mülki, nə qədər hərbi təyyarələrin lazım olduğunu müəyyən etmək üçün Müdafiə Nazirliyi ilə yeni təyyarələrin tədarükü məsələsini həll etməyi tapşırıb.
[media=https://youtu.be/N47PUJzhuIY]
Putin Rusiya ordusunda nə qədər PUA olduğunu açıqladı
Putin Zelenski ilə danışıqlara hazır olduğunu bildirdi
“Ukraynada hərbi əməliyyatların taktikası özünü doğrultdu” - Putin
"Təəssüf ki, bütün məsələlər hələ həllini tapmayıb” - Putin
Peskov açıqladı: “Putin niyə general deyil?”