"Qarşımıza iki sual qoyursan. Əvvəlcə oxudum: “Hadisələrin qiymətləndirilməsi və KTMT-nin mövqeyi”. Siz tələb etdiniz ki, biz öz mövqeyimizi qərarlaşdıraq. Siz bizim mövqeyimizi bilmirsiniz? Biz qonşu dövlətlər arasında münaqişənin sülh yolu ilə həll olunmasını istəyirik".
Bunu Belarus prezidenti Aleksandr Lukaşenko KTMT Kollektiv Təhlükəsizlik Şurasının növbədənkənar sessiyasında Ermənistanın baş naziri Nikol Paşinyanın Ermənistan-Azərbaycan sərhədi ilə bağlı qaldırdığı suallara münasibət bildirərkən deyib.
Ermənistanın baş naziri Nikol Paşinyan həmkarlarına bir neçə sual verib: hadisələrin qiymətləndirilməsi və KTMT-nin mövqeyi, həmçinin KTMT-nin “Ermənistanın ərazi bütövlüyünün bərpası” yol xəritəsi ilə bağlı.
“İkinci sual: “Mənə Ermənistanın ərazi bütövlüyünün bərpası üçün yol xəritəsi verin”. Hansı yol xəritəsi? Mən sizə dərhal cavab verim: İlham Əliyevlə oturun, lazım gələrsə, Rusiya prezidentindən soruşun, qərar verin. Bu gün qəbul etməsən, daha pis olacaq, bunu özün başa düşürsən. Bu münaqişə bizə lazım deyil”, - Aleksandr Lukaşenko bildirib.
“İki sualınız var. Onlar daha qəribədir, Nikol Vovayeviç”, - Belarus dövlətinin başçısı əlavə edib.
KTMT Şurası Azərbaycan-Ermənistan-Rusiya sammiti ərəfəsində keçiriləcək
KTMT baş katibliyini Bakı ilə müzakirə etdi
Paşinyan 49 erməni hərbçinin öldüyünü açıqladı
KTMT-nin Qazaxıstandan çıxarılması barədə qərar imzalandı (YENİLƏNİB)
ERMƏNİ HƏYASIZLIĞI