“Azərpoçt” MMC-nin Yevlax Regional Filialının əməkdaşı tərəfindən MMC-yə məxsus pul vəsaitlərinin mənimsənilməsi ilə bağlı daxil olmuş müraciət əsasında rayon prokurorluğunda araşdırma aparılıb.
Yevlax Rayon Prokurorluğundan verilən məlumata görə, filialda sürücü-inkassator işləyən Tural Məmmədovun MMC-dən iltizamnamə əsasında lotereya biletləri götürüb satmaqla əldə etdiyi 9 min 400 manat məbləğində pul vəsaitini cəmiyyətə ödəməyərək mənimsəməsinə əsaslı şübhələr müəyyən edilib.
Faktla bağlı Yevlax Rayon Prokurorluğunda Cinayət Məcəlləsinin 179.2.4-cü (mənimsəmə və ya israf etmə-xeyli miqdarda ziyan vurmaqla törədildikdə) maddəsi ilə cinayət işi başlanmaqla Tural Məmmədov şübhəli şəxs qismində tutulub.
Hazırda iş üzrə istintaq davam edir.
Azərbaycanda vəzifəli şəxslərə cinayət işi AÇILDI
Məktəb direktorunun katibənin maaşını MƏNİMSƏYİB
İşə qəbul üçün rüşvət alan müəssisə direktoru həbs edildi
“Mahal” MTK-nın eks-sədrinə cinayət işi açıldı
İcra şöbəsinin sabiq əməkdaşı 40 min manatdan çox pul mənimsəyib