Bu gündən etibarən Pakistanın paytaxtı İslamabaddan Bakıya birbaşa uçuşlara başlanılıb.
Bu barədə Azərbaycanın Pakistandakı səfirliyindən bildirilib.
Bu münasibətlə İslamabad Beynəlxalq Hava Limanında rəsmi tədbir keçirilib. Tədbirdə Azərbaycanın Pakistandakı səfiri Xəzər Fərhadov, Pakistan Beynəlxalq Hava Yollarının (PIA) baş icraçı direktoru Məhəmməd Əmir Həyat, PIA rəsmiləri, eləcə də birbaşa reysin ilk sərnişinləri iştirak ediblər.
Uçuşlar ilkin olaraq hər həftənin bazar ertəsi günü İslamabaddan, cümə günü isə Bakıdan həyata keçiriləcək.
Qeyd edək ki, İslamabadla yanaşı, PIA 2022-ci ilin mart ayından etibarən Pakistanın digər iki böyük şəhərindən – Karaçi (həftədə bir dəfə) və Lahordan (həftədə iki dəfə) Bakıya birbaşa uçuşlara start verib.
Azərbaycandan Pakistana birbaşa uçuşlar bu tarixdən həyata keçiriləcək
Bakı-Minsk marşrutu üzrə birbaşa reyslər bərpa olunur
İstanbuldan Gəncəyə birbaşa uçuşlar başlayır
Türk Hava Yolları 1 iyundan uçuşlara başlayır: İlk 4 şəhər
Bu tarixdən etibarən Mahaçqala-Bakı uçuşları başlayır