“Apteklərdə tibbi preparat və maska çatışmazlığı eşitsəm bütün nazirləri işdən qovacam” – Lukaşenko

Belarus prezidenti Aleksandr Lukaşenko koronavirusun yayılması şəraitində tibb işçiləri üçün fərdi qoruyucu vasitələrin çatışmazlığı halında hökuməti istefa ilə təhdid edib.
“Baş nazir və hökumətə xəbərdarlıq etmişəm: həftənin sonuna qədər cavabdeh insanlar mənə apteklərdə, dükanlarda və ya xəstəxanalarda nəyinsə, xüsusən tibb işçiləri üçün qoruyucu vasitələrin çatışmadığını bildirsələr, heç bir hökumət olmayacaq. Başqaları işləyəcək”, – A.Lukaşenko deyib.
O, hökumətə gələn bazar ertəsinə qədər qoruyucu vasitələrin olması ilə bağlı problemləri həll etməyi tapşırıb. “Nəsə edə bilməməyimiz, əhali üçün maskalar tikə bilməməyimiz rüsvayçılıqdır”, – Belarus prezidenti bildirib.