SQ Qazaxda döyüş mövqelərini irəli çəkdi

Hərbi jurnalist Rəşad Süleymanov öz facebook səhifəsində bir paylaşımda yazıb: "Son aylarda Azərbaycan-Ermənistan dövlət sərhədindəki gərginliyin səbəbləri məlum olur.

Azərbaycan-Ermənistan dövlət sərhədində son zamanlar Ermənistan Ordusunun həyata keçirdiyi təxribatlara cavab olaraq Dövlət Sərhəd Xidməti tərəfindən ciddi tədbirlər həyata keçirilir.

“Azeri Defence”nin məlumatına görə, düşmənin Babakər dağı istiqamətində mövqelərini önə çəkmə cəhdlərinə qarşı DSX tərəfindən önləyici tədbirlər həyata keçirilib. Belə ki, Dövlət Sərhəd Xidmətinin sərhəd qoşunlarının ərazidəki bölmələri düşmən tərəfindən yeni mövqelərin ələ keçirilmə niyyətlərinə qarşı hərəkətə keçərək sərhəd döyüş məntəqələrini bir sira istiqamətləridə daha irəli çəkməyə nail olublar.

Sərhədçilərimiz tərəfindən tutulmuş yeni mövqelərdən düşmənin Ermənistan Respublikası ərazisindəki döyüş postlarına və bu postları birləşdirən yollara nəzarət imkanı əldə olunub.

Eləcə də düşmən tərəfindən əvvəllər atəş altına tutulan yaşayış məntəqələrinə olan təhlükə aradan qaldırılıb.

Bu barədə tərəfimizdən daha geniş material hazırlanır".

Xatırladaq ki, hərbi jurnalist kimi tanınan Rəşad Süleymanov "Fədai" qəzetinin "şinelindən" çıxmış jurnalistlərimizdəndir.

Bir də inanırıq ki, sərhədçilərimiz tezliklə Qazax rayonunda işğala məruz qalmış 7 kəndimiz üzərində Azərbaycanın suverinetitini bərpa edəcək...

E. Səlim

SQ Qazaxda döyüş mövqelərini irəli çəkdi
14 avqust 2019 / GÜNDƏM / QARABAĞ
SQ Qazaxda döyüş mövqelərini irəli çəkdi