Ukraynanın birinci xanımı Olena Zelenska Rusiyanın ölkədəki hücumlarının kütləvi qətllərə səbəb olduğunu bildirib.
Prezident Vladimir Zelenskinin 44 yaşlı həyat yoldaşı ingilis dilində dərc etdiyi yazılı açıqlamada Rusiya işğalını pisləyib və hücumların çoxlu mülki vətəndaşın ölümünə səbəb olduğunu xatırladıb.
Bombalamalarda həyatını itirən 3 ukraynalı uşağın adını çəkən Zelenska, işğalın inanılmaz bir vəziyyət olduğunu ifadə edərək, “Ölkəmiz əmin-amanlıq içində idi, şəhərlərimiz, qəsəbələrimiz, kəndlərimiz həyatla dolu idi. Hazırda baş verənlər Ukrayna vətəndaşlarının kütləvi şəkildə qətlə yetirilməsidir. Ən dəhşətlisi uşaqların ölümüdür", - deyə bildirib.
Rusiya prezidenti Vladimir Putinin Ukraynanın qüdrətini, xalqını və vətənpərvərliyini həddən artıq qiymətləndirdiyini qeyd edən Zelenska, “Kremldəki təbliğat maşınları ukraynalıların onları xilaskar kimi gül-çiçəklə qarşılayacaqlarını iddia edirdilər, ancaq molotof kokteyli ilə qarşılandılar” yazıb.
“Putini dayandıra bilməsək, dünyada heç birimiz üçün təhlükəsiz yer olmayacaq” deyən Ukraynanın birinci xanımı ərinin Qərb ölkələrinə “Ukraynanın hava məkanını bağla” çağırışını da təkrarlayıb.
Putin Ukraynanın bu şəhərlərində qondarma respublika yaradacaq - TƏKLİF
"Rus əsgərləri Ukraynanın sərhədini keçərsə..." - Bayden
"Rusiya bizi NATO-ya üzv olmağa sövq edir" - Zelenski
Putindən Ukraynanın Donbasda "Bayraktar"dan istifadə etməsinə REAKSİYA
Müharibədə həlak olan ukraynalıların sayı AÇIQLANDI