ABŞ prezidenti Co Bayden komandası ilə Ağ Evdə infrastruktur gündəminə dair görüşdən əvvəl keçirdiyi mətbuat konfransında Rusiyanın Ukraynaya müdaxiləsi ilə bağlı dediklərinə aydınlıq gətirib.
Baydenin sözlərinə görə, Ukrayna sərhəddində cəmlənmiş Rusiya hərbi birləşmələrinin Ukrayna sərhədinə keçməsi “işğal” demək olacaq və bu halda Rusiya “ağır bədəl” ödəyəcək.
Bayden Rusiya prezidenti Vladimir Putinlə görüşlərində ABŞ-ın mövqeyini açıq şəkildə nümayiş etdirdiklərini bildirib:
“Bölgədə yığılan rus hərbi birləşmələri Ukrayna sərhədini keçərsə, bu, işğaldır. Həmin zaman Rusiya "ciddi və koordinasiya iqtisadi nəticələri" ilə qarşılaşacaq".
Rusiyanın Ukraynaya müdaxilə etmək üçün hərbiləşdirilmiş qüvvələrdən istifadə etməsinin mümkün olduğunu qeyd edən Bayden, "Rusiya əsgərləri boz bölgələrdəki hücumlarda uniforma geyinmir. Biz də bunlara hazır olmalıyıq", - deyə xəbərdarlıq edib.
Bayden-Putin görüşü keçiriləcək? - Lavrovdan AÇIQLAMA
Putin və Bayden arasında keçiriləcək görüşün vaxtı məlum oldu
Bayden-Putin görüşündə nələr danışılacaq? - ABŞ-dan açıqlama
Bayden Putinin debat təklifinə cavab vermədi
"Rusiya yanvarda hücuma hazırlaşır" - General