Şəki Apellyasiya Məhkəməsi Əmək və Əhаlinin Sоsiаl Müdаfiəsi Nаzirliyi yаnındа Dövlət Məşğulluq Xidmətinin Şəki rаyоn Məşğulluq Mərkəzinin sabiq direktоru Elçin Salamovla bağlı qərar elan edib.
"Report"un əldə etdiyi məlumata görə, hakim İmanverdi Şükürovun sədrliyi ilə keçirilən prosesdə təqsirləndirilən şəxsin apellyasiya şikayəti təmin olunmayıb.
Qərara əsasən, birinci instansiya məhkəməsinin çıxardığı azadlığın məhdudlaşdırılması (elektron qolbaq) cəzası dəyişdirilmədən saxlanılıb.
İttiham aktına görə, E.Salamov 2006-2019-cu illər arasında Əmək və Əhаlinin Sоsiаl Müdаfiəsi Nаzirliyi yаnındа Dövlət Məşğulluq Xidmətinin Şəki rаyоn Məşğulluq Mərkəzinin direktоru vəzifəsində işləyib.
O, işlədiyi müddət ərzində Şəki rаyоn Məşğulluq Mərkəzinə ayrılmış pulları mənimsəyib.
E.Salamovun barəsində Cinayət Məcəlləsinin mənimsəmə, vəzifə səlahiyyətlərindən sui-istifadə və vəzifə saxtakarlığı maddələri ilə ittiham irəli sürülüb, başqa yerə getməmək haqqında iltizam qətimkan tədbiri seçilib.
Şəki Rayon Məhkəməsinin hökmü ilə o, 2 il 6 ay müddətinə azadlığın məhdudlaşdırılması (elektron qolbaq) cəzasına məhkum edilib. Hökmdən narazı qalan məhkum apellyasiya şikayəti verib.
Məhkəmə sabiq SƏFİRLƏ bağlı qərar verdi
Həbs edilən sabiq icra başçısının cəzası AZALDILDI
QHT sədrinin apellyasiya şikayəti təmin olunmayıb - ATƏŞ.AZ
Sabiq icra başçısının cinayət işinə xitam verildi, müavininin cəzası azaldıldı
Azərbaycanda daha bir vəzifəli şəxs COVID-19-dan vəfat etdi