Milli Məclisin bu gün keçirilən plenar iclasında Gömrük Məcəlləsinə dəyişiklik layihəsi birinci oxunuşda müzakirəyə çıxarılıb.
Sənəd barədə Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili məlumat verib.
O bildirib ki, sahibkarlar daxildə emal xüsusi gömrük rejimi ilə (müəyyən malların emal edildikdən sonra ixrac edilməsi məqsədilə ölkəyə gətirilməsi) mallar idxal etdikləri zaman gömrük borcunun yarandığı və ya yarana biləcəyi hallarda onun ödənilməsinə təminat verməli idilər (Bu borc adətən idxal olunuan malların 1 il ərzində ixrac edilməməsi halında yaranır).
Təklif olunan dəyişiklik belə bir təminatın məcburi olmamasını özündə ehtiva edir. Bu isə sahibkarları təminat vermək üçün bir çox xərclərdən azad edəcək, xarici hüquqi şəxslər üçün isə Azərbaycanda xidmət almaq və investisiya yatırmaq üçün daha əlverişli şərait yaradacaq.
Azərbaycanda qızılla bağlı qərar verildi
Dövlət büdcəsinin icrası ilə bağlı qanun layihəsini qəbul edildi
Deputatlar Əmək Məcəlləsinə dəyişiklikləri müzakirə edəcək
Azərbaycanda toyuq ətinin qiyməti qalxacaq
Zəfər Gününün qeyri-iş günü olması parlamentin müzakirəsində