“Biz ümid edirik ki, UNESCO missiyası gələn ay Azərbaycanın işğaldan azad edilmiş ərazilərinə gələcək”.
Bunu Prezident İlham Əliyev Nizami Gəncəvi Beynəlxalq Mərkəzinin videoformatda keçirdiyi “Cənubi Qafqaz: Regional inkişaf və əməkdaşlıq perspektivləri” adlı müzakirələrdə bildirib.
İlham Əliyev deyib ki, Azərbaycan UNESCO-nu uzun illərdir işğal olunmuş ərazilərə səfərə dəvət edib.
“Ancaq biz cavab almışıq ki, UNESCO siyasi münaqişələrə qarışmır. Beləliklə, işğal müddətində Qarabağda UNESCO-nun missiyası olmayıb. Ancaq İkinci Qarabağ müharibəsi bitən kimi UNESCO-dan bu ərazilərə ziyarət üçün müraciətlər almağa başladıq. Bu dəyişikliyin baş verməsinə sevindim. İndi onların gəlməsi üçün UNESCO ilə logistik məsələlər üzrə danışıqların son mərhələsindəyik”, - deyə Prezident əlavə edib.
Dövlət başçısı daha sonra bildirib:
“Biz istəyirik ki, onlar ermənilərin mədəni irsimizə nə etdiklərini görsünlər”.
Bu Gün QHT-nin UNESCO-ya MÜRACİYƏT tədbiri Baş Tutdu.
İlham Əliyev: “İkinci Qarabağ müharibəsi vəziyyəti köklü şəkildə dəyişdi”
“Bərpa işlərinə daha çox maliyyə ayırmışıq”
“Bu, asan olmayacaq” - Prezident
Prezident: “Bu gün Ermənistanın ordusu yoxdur, o, tamamilə məhv edilib”