Bir neçə gündür sosial şəbəkələrdə Novruz bayramı ərəfəsində şəhərlərarası gediş-gəlişin dayandırılacağı ilə bağlı məlumatlar yayılmışdı. Günün birinci yarısında isə bəzi saytlarda Nazirlər Kabinetinin ötən il Bakıya giriş-çıxışa qoyulan məhdudiyyət qərarı yeni qadağalar kimi paylaşılmışdı.
Bu gün Nazirlər Kabineti yanında Operativ Qərargahın qəbul etdiyi qərarlar siyahısında rayon yollarının bağlanması ilə bağlı müddəa yoxdur.
Bugünkü qərarlara əsasən, Azərbaycanda xüsusi karantin rejiminin müddəti 1 iyun saat 06:00-dək uzadılıb. Martın 20-si saat 00.00-dan martın 29-u saat 06.00-dək Azərbaycan ərazisində ictimai nəqliyyatın hərəkəti dayandırılacaq. Həmçinin aprel və may aylarında ictimai nəqliyyat qrafiklə işləyəcək.
Qeyd edək ki, Prezidentin köməkçisi Şahmar Mövsümov da bu gün brifinqdə 9 günlük bayram tətilində yalnız ictimai nəqliyyat və karantin rejiminin uzadılması ilə bağlı qərar verildiyini bildirib.
8 martda ictimai nəqliyyat işləməyəcək - Rəsmi
AZƏRBAYCANDA BU MƏHDUDİYYƏT ARADAN QALDIRILDI
Azərbaycan xüsusi karantin rejimi uzadıldı - QƏRAR
Həftəsonları ictimai nəqliyyatın fəaliyyətinə tətbiq olunan məhdudiyyətin müddəti uzadıldı
Əli Əsədovdan ictimai nəqliyyatın fəaliyyəti ilə bağlı QƏRAR