Bu gün Baş Sumqayıt stansiyasının yaxınlığında baş verən ölümlə nəticələnən qəza barədə araşdırma aparılır.
Bu barədə “Azərbaycan Dəmir Yolları” QSC məlumat yayıb.
Bildirilib ki, hadisə bu gün saat 13:20 radələrində baş verib:
“10 çən vaqonu manevr teplovozu ilə Sumqayıt Çay Stansiyasına gətirilərkən qorunmayan dəmir yolu keçidindən keçməyə cəhd göstərən Maarif Valeh oğlu Lazımovun idarə etdiyi avtobusla toqquşub. Hadisə nəticəsində qatar tərtibatçısı Murtuz Aleksey oğlu Abdullayev dünyasını dəyişib.
Aidiyyəti orqanlar tərəfindən hadisənin başvermə səbəbi araşdırılıb, hüquqi qiymət veriləcək”.
15:44
Sumqayıt şəhərində ölümlə nəticələnən ağır yol nəqliyyat hadisəsi baş verib.
Oxu.Az-ın məlumatına görə, hadisə şəhərin Hacı Zeynalabdin Tağıyev qəsəbəsində olub.
Qəsəbənin girişindən keçən dəmiryolda yük qatarı ilə avtobus toqquşub. Hadisə nəticəsində orada çalışan bələdçi, 1972-ci il təvəllüdlü Abdullayev Murtuz Aleksandroviç faciəvi şəkildə ölüb. Onun başı bədənindən ayrılıb.
Hadisə yerinə polis və Fövqəladə Hallar Nazirliyinin Xüsusi Riskli Xilasetmə Xidmətinin əməkdaşları cəlb olunub.
Qəzanın hansı səbəbdən baş verdiyi məlum deyil. Faktla bağlı araşdırma aparılır.
Yük və minik avtomobilləri toqquşdu, ölən və xəsarət alanlar var - Foto
Daşkəsəndə maşın dərəyə aşdı: Ölən var
Azərbaycanda qatar yük maşını ilə toqquşdu: Sürücünün qolu qopdu
Ağdaşda ağır qəza: Avtomobil iki hissəyə bölündü
Ata avtomobili aşırdı, oğlu öldü