“Küləkli havanın gözlənilməsi ilə əlaqədar olaraq SOCAR-ın istehsalat sahələrində təhlükəsizlik tədbirləri gücləndirilib”.
Bununla bağlı SOCAR-ın ictimaiyyətlə əlaqələr və tədbirlərin təşkili idarəsinin rəis müavini İbrahim Əhmədov məlumat verib.
Onun sözlərinə görə, artıq açıq səthlərdə aparılan işlər dayandırılıb, həmçinin idarə aparatında və sahələrdə məsul şəxslərdən ibarət növbətçilik təşkil olunub:
“45 əməkdaş dəniz özülləri arasında daha təhlükəsiz yerlərə köçürülərək, əsasən “Neft Daşları”na gətirilib”.
Qeyd edək ki, Nəqliyyat, Rabitə və Yüksək Texnologiyalar Nazirliyi yanında Dövlət Dəniz Agentliyi Xəzər dənizi akvatoriyasında müşahidə edilən kəskin hava şəraiti ilə əlaqədar xəbərdarlıq edib.
Eləcə də, Milli Hidrometeorologiya Xidmətindən bildirilib ki, fevralın ikinci yarısında havanın dəyişəcəyi proqnozlaşdırılır. Soyuq antisiklonun təsiri fevral ayının 23-ü axşam ölkənin əvvəlcə şimal və şərq rayonlarında özünü göstərəcək. Daha çox həmin rayonlara qarın yağacağı gözlənilir.
Bu qış dövrünün ən soyuq gününün fevralın 24-də olacağı təxmin edilir.
Umayra Tağıyeva: “Fevralın 24-də bu qışın ən soyuq günü gözlənilir”
SOCAR qazancını artırmağa nail olub - AÇIQLAMA
Türkiyədən Azərbaycana siklon gəlir: Çovğun olacaq
Agentlik: “Gəmilərin hərəkəti və limanlara giriş-çıxış məhdudlaşdırılıb”
Hava şəraiti ilə bağlı xəbərdarlıq