Masallı rayon Mərkəzi Xəstəxanasına yeni baş həkimin təyin olmasıyla bağlı məlumatlar yayılıb. Xəstəxananın Konsultativ Poliklinka şöbəsinin müdiri Rasim Əzizovun sabiq baş həkimi əvəzlədiyi bildirilir.
“Qafqazinfo” məsələ ilə bağlı TƏBİB-lə əlaqə saxlayıb. TƏBİB-dən R. Əzizovun bu vəzifəyə təyin olunmadığı, baş həkimin səlahiyyətlərinin ona həvalə olunduğu bildirilib.
Qeyd edək ki, Masallı Rayon Mərkəzi Xəstəxanasının baş həkimi Cəlil Nəzərov və baş mühasibi Sətulla Məmmədov yanvarın 22-də Baş Prokurorluq yanında Korrupsiyaya qarşı Mübarizə İdarəsinin əməkdaşları tərəfindən keçirilən əməliyyat nəticəsində saxlanılıblar.
Binəqədi Rayon Məhkəməsində Cəlil Nəzərov barəsində həbs qətimkan tədbiri seçilib. O, tibb müəssisəsinin həkim-məsləhət komissiyasının sədri kimi vətəndaşlardan əlillik dərəcəsinin müəyyən edilməsi üçün rüşvət almaqda, sağlam və həqiqi xəstəliyi olan vətəndaşlara xəstəliklə bağlı saxta tibbi sənədlər hazırlamaqda ittiham olunur.
Prokurorluq Azərbaycanda xəstəxana direktorunun cinayət əməlləri barədə məlumat yayıb - RƏSMİ
Abşeronun sabiq baş memarının həbs müddəti artırıldı
DTX tərəfindən həbs edilən daha bir icra başçısının oğluna yeni vəzifə verildi
Azərbaycanda vəzifəli şəxs rüşvətə görə həbs edildi - RƏSMİ
Həbs edilən icra başçının səlahiyyətləri bu şəxsə verilib