"Ətraf mühitin mühafizəsi haqqında" Azərbaycan Respublikasının Qanununa edilən 26 noyabr 2020-ci il tarixli dəyişikliyə əsasən həmin Qanunun 46-cı maddəsində qalınlığı 15 mikrona qədər olan polietilen torbaların, birdəfəlik istifadə üçün nəzərdə tutulan plastik çəngəl, qaşıq, bıçaq, qarışdırıcı çubuq, boşqab və stəkanların idxalına qadağa qoyulub.
Bu barədə Dövlət Gömrük Komitəsinin (DGK) yaydığı məlumatda qeyd edilir.
Mövcud qanunvericiliyə əsasən, 2021-ci il yanvarın 1-dən etibarən qalınlığı 15 mikronadək olan polietilen torbaların, iyulun 1-dən isə birdəfəlik istifadə üçün nəzərdə tutulan plastik çəngəl, qaşıq, bıçaq, qarışdırıcı çubuq, boşqab və stəkanların sahibkarlar tərəfindən istehsalı və idxalı, həmçinin ticarət, ictimai iaşə və digər xidmət obyektlərində istehlakçıya satılması və ya xidmət zamanı istifadəsi qadağandır.
Dövlət Gömrük Komitəsi bu qəbildən olan məhsulların idxalı ilə məşğul olan sahibkarlara qanunvericiliyin tələblərinə əməl etməyə çağırır. Qanunvericiliyin tələblərini pozan hüquqi və fiziki şəxslər barəsində qanunamüvafiq tədbirlər həyata keçiriləcək.
Bu gündən Azərbaycanda polietilen torbaların satışı qadağan edildi
Milli Məclisdə polietilen torbaların satışını qadağan edən layihə təsdiqləndi
Milli Məclis polietilen torbaların satışına qadağa qoyan layihəni qəbul edib
XƏBƏRDARLIQ: Hər addımda cərimə oluna bilərsiniz: Küçədə, marketdə, hətta evdə…
Satışı qadağan edilən polietilen torbalarla bağlı VACİB AÇIQLAMA