"Neftçi" klubunun sabiq futbolçusu Rafiq Əlizadə dünyasını dəyişib.
Bu barədə Futbol Veteranları İttifaqının sədri Oqtay Abdullayev məlumat verib.
Keçmiş hücumçu 72 yaşında Rusiyanın paytaxtı Moskvada qəflətən vəfat edib. O.Abdullayev Futbol Veteranları İttifaqı adından R.Əlizadənin ailəsinə başsağlığı verib.
Qeyd edək ki, Rafiq Əlizadə 1966 - 1972 və 1976 - 1982-ci illərdə "Neftçi"nin formasını geyinib. O, futbolçu karyerası ərzində komandasına penalti qazandırma bacarığı ilə də tanınıb.
Mütəxəssis 1999-cu ildə tarixində ilk və hələ ki, sonuncu dəfə Avropa çempionluğunu qazanan futzal üzrə Rusiya yığmasının köməkçi-məşqçisi olub. Sabiq forvard 1992 - 2008-ci illərdə Rusiyanın "Dina" futzal klubunun idman direktoru, 2010 - 2017-ci illərdə isə maddi-texniki təminat üzrə vitse-prezidenti vəzifəsini icra edib. O, 2019-cu ildə Rusiya Mini-Futbol Assosiasiyası tərəfindən "İşinə sadiqliyə görə" medalı ilə təltif edilib.
R.Əlizadəyə 2019-cu ilin sonundan AFFA İcraiyyə Komitəsinin qərarına əsasən milli assosasiya tərəfindən xüsusi təqaüd verilib.
Day.Az
AZƏRBAYCANIN SABİQ NAZİRİ VƏFAT ETDİ –
Azərbaycan Premyer Liqasında koronavirus şoku - 3 oyun təxirə salındı
DTX TƏRƏFİNDƏN SAXLANILAN NAZİR MÜAVİNİ KİMDİR? – DOSYE
MƏLEYKƏ ABBASZADƏNİN QIZI QƏFİL VƏFAT ETDİ – FOTO
Başsağlığı. Allah Rəhmət eyləsin