ATESH,AZ saytı yayımladı.
Gürcüstanın müxalif “Vahid Milli Hərəkat” partiyasının lideri Salome Samadaşvili Gürcüstan Xarici İşlər Nazirliyindən (XİN) ölkə ərazisi ilə Ermənistana silah tədarükünün həyata keçirilməsi ilə bağlı fikirlərə aydınlıq gətirilməsini tələb edib.
APA-nın yerli bürosunun xəbərinə görə, S. Samadaşvili belə bir hala yol verilməsinin Gürcüstanın beynəlxalq öhdəliklərinin pozulması anlamına gəldiyini bildirib.
“Bizim münaqişə tərəflərindən hər hansı birinə Gürcüstan ərazisi ilə hərbi yüklərin daşınmaması ilə bağlı beynəlxalq öhdəliyimiz var. Ona görə də mən XİN-i dərhal bu məsələyə aydınlıq gətirməyə çağırıram”, - deyə o, vurğulayıb.
Xatırladaq ki, bir sıra kütləvi informasiya vasitələrində Serbiyadan Ermənistana xeyli sayda müxtəlif çaplı minaatanların çatdırılmasına dair məlumatlar yayılıb. Minaatanların Gürcüstan üzərindən Ermənistana keçirildiyi də qeyd olunub.
ATESH,AZ
Gürcüstan KİV-ləri Ermənistan müharibəyə hazırlaşdığı barədə yazıb
Gürcüstandan Ermənistana növbəti cavab: “Xoşunuza gəlmirsə, alternativ yollardan istifadə edin”
Nəriman Qurbanov: Məqsədimiz Azərbaycan və Gürcüstanın iş adamları arasında münasibətləri daha da inkişaf etdirməkdir
İlham Əliyev: “Azərbaycanla Gürcüstanın dinamik inkişafı üçün birgə səylər artırılmalıdır” - Atəş.az
Türkiyə Çindən izahat tələb etdi: İrəvana yardımlar... -