SON DƏQİQƏ: BAKIDA ƏSGƏRLƏRƏ DƏSTƏK YÜRÜŞÜ KEÇİRİLİR

Hazırda Bakıda Ermənistanın Tovuz rayonu istiqamətində təxribatları ilə bağlı Azərbaycan əsgərinə dəstək aksiyası keçirilir.

hemlemedia.az saytı ONN media agentliyinə istinadən xəbər verir ki, şəhərin əksər küçə və prospektlərində, o cümlədən, Qara Qarayev, Heydər Əliyev, Ziya Bünyadov, Atatür prospektində minlərlə gənc yürüş edərək “Şəhidlər ölməz, vətən bölünməz” şüarını səsləndirirlər.

Onlar Azərbaycanın ərazi bütövlüyü uğrunda orduya dəstək olmağa hazır olduqlarını bəyan edirlər.

Qeyd edək ki, İyulun 13-dən 14-nə keçən gecə və səhər saatlarında Azərbaycan-Ermənistan dövlət sərhədinin Tovuz rayonu sahəsində şiddətli döyüşlər davam edib. Düşmən hücumunun qarşısını alarkən Azərbaycan Ordusunun hərbçiləri qəhrəmancasına şəhid olub.
ATESH,AZ