“Oğlum 9 il əvvəl tam hərbi xidmətə çağırılıb və Beyləqan rayonundakı hərbi hissələrdən birində 1 il 6 ay xidmət edərək ordu sıralarından tərxis edilib. Ancaq yenidən ordu sıralarına çağrılması ilə bağlı məktub almışıq”.
hemlemedia.az saytı ONN media agentliyinə istinadən xəbər verir ki, bu sözləri “Qafqazinfo”ya müraciətində Cəlilabad rayon Adnalı kənd sakini Adışirin Əmirov deyib. O bildirib ki, 1992-ci il təvəllüdlü oğlu Emil Əmirlinin adına bundan öncə də 2018-ci ildə Səfərbərlik və Hərbi Xidmətə çağırış üzrə Dövlət Xidmətinin Cəlilabad rayon Şöbəsi tərəfindən ilkin tibbi müayinədən keçməsi tələbi ilə məktub təqdim olunub:
“Həmin vaxt oğlumla birlikdə sözügedən quruma müraciət edərək hərbi bileti təqdim etdik. Bizdən üzr istəyərək yanlışlıq olduğunu bildirdilər. Ancaq bir neçə gün bundan əvvəl analoji hadisə yenidən təkrarlandı. Bu dəfə xəbərdarlıq məktubunda əks halda 50 manat cərimələnəcəyi bildirilib. Artıq bu məsələnin birdəfəlik həllini tapmasını istəyirik”.
NAXÇIVANDA DÖVLƏT XİDMƏTİNƏ YENİ RƏİS TƏYİN EDİLDİ
PREZİDENT HƏRBİ XİDMƏTƏ ÇAĞIRIŞLA BAĞLI SƏRƏNCAM İMZALADI
ÇİNDƏ YENİDƏN KORONAVİRUS YAYILIR – HƏRBİ VƏZİYYƏT ELAN EDİLDİ
Sərhəd Qoşunlarında əsgər belə dəyişdi – VİDEO ... ATƏŞ.AZ
TƏLƏBƏ ÇAĞIRIŞÇILARA MÖHLƏT… – RƏSMİ AÇIQLAMA