Qırğızıstan Prezidenti Moskva səfərini yarımçıq qoydu – Təcili Bişkekə qayıdır

Koronavirus infeksiyası aşkar olunan Qırğızıstan Prezidenti Sooronbay Jeenbekov Moskvadan Bişkekə qayıdır.

hemlemedia.az saytı Teleqraf.com saytına istinadən xəbər verir ki, bu barədə “TASS” Qırğızıstanın Rusiyadakı səfirliyinə istinadən xəbər yayıb.

“Prezident öz komandası ilə Moskvadan Bişkekə qayıdır. Prezidentin özü qaydasındadır”, – deyə səfirliyin məlumatında bildirilib.

Sooronbay Jeenbekov Böyük Vətən müharibəsində qələbənin 75-ci ildönümünə həsr olunmuş təntənəli tədbirlərdə iştirak etmək üçün Moskvaya gəlmişdi. Rusiya paytaxtına gəldikdən, testdən keçdikdən sonra nümayəndə heyətinin iki üzvündə koronavirus aşkarlanıb. Bununla əlaqədar Jeenbekov Moskvada keçirilən təntənəli tədbirlərdə iştirak etməmək qərarına gəlib.