Artıq COVİD-19-a yoluxan simptomsuz xəstələrin ev şəraitində müalicəsinə başlanılıb.
hemlemedia.az saytı KONKRET.az saytına istinadən xəbər verir ki, bunu Səhiyyə nazirinin müavini Viktor Qasımov deyib.
Onun sözlərinə görə, həmin xəstələrə ərazi poliklinikaları tərəfindən nəzarət edilir:
“Simptomsuz olan xəstələr evdə müalicələrini davam etdirirlər. Onlara ərazi poliklinikaları tərəfindən nəzarət edilir və 12 saatdan bir telefonla xəstələrə sorğular göndərilir”.
Xatırladaq ki, Tibbi Ərazi Bölmələrini İdarəetmə Birliyinin (TƏBİB) sədri Ramin Bayramlı Nazirlər Kabineti yanında Operativ Qərargahın brifinqində artıq poliklinika həkimlərinin simptomları zəif olan xəstələrin müalicəsi ilə məşğul olacağını söyləmişdi.
O qeyd etmişdi ki, bunun üçün beynəlxalq təcrübə əsasında hazırlanan mobil tətbiq əlavəsindən istifadə ediləcək.
“E-təbib” adlanan bu mobil tətbiq əlavəsi vasitəsilə evdə müalicə alan xəstələr müşahidə altında saxlanılacaq:
“Onların evi tərk etməməsi üçün müvafiq qurumlar tərəfindən nəzarət tədbirləri həyata keçiriləcək. Burada 14 günlük karantinin olması, belə xəstələrin təlimatlara əməl etməsi vacibdir. Poliknikada çalışan həkimlər 12 saatdan bir ev telefonu vasitəsilə xəstələrin səhhəti ilə bağlı sorğular göndərəcək və bu məlumat elektron sistemə daxil ediləcək. Bunun əsasında pasiyentin müalicəsini evdə və ya xəstəxanada davam etdirməsi barədə qərar qəbul ediləcək”./Trend/
ÇİMƏRLİYƏ GETMƏK QADAĞAN EDİLİR?
SƏRT KARANTİNLƏ BAĞLI VACİB AÇIQLAMA: GƏLƏN HƏFTƏDƏN…
Say ona görə artıb ki: Bu şəxslər də koronavirus xəstəsi kimi xəstəxanalara qəbul olunur – TƏBİB
QRUP ŞƏKLİNDƏ KORONAVİRUSA YOLUXANLAR VAR Qrup şəklində koronavirusa yoluxanlar var
Koronaviruslu xəstələrin evdə müşahidəsinə dair tövsiyələr açıqlandı