Cənubi Qafqazda qeyri-regional ölkələr arasında aktivliyin artması müşahidə olunur və Ermənistanın Sünik bölgəsi ətrafında gərginlik qalmaqdadır.
Bunu Bişkekdə KTMT Müdafiə Nazirləri Şurasının iclasında Rusiyanın müdafiə naziri Andrey Belousov deyib.
“Cənubi Qafqazda qeyri-regional ölkələrin məqsədi təhlükəsizliyi gücləndirmək deyil, öz təsirlərini genişləndirməkdir”, - Rusiya müdafiə departamentinin rəhbəri bildirib.
Belousov Ermənistan-Azərbaycan münasibətlərinin qeyri-sabit vəziyyətindən narahatlığını da bildirib. Onun sözlərinə görə, Ermənistanın Sünik rayonu ətrafında gərginlik qalmaqdadır. O, əmin edib ki, Moskva İrəvanla Bakı arasında sülh müqaviləsinin imzalanmasında maraqlıdır və hər cür kömək etməyə hazırdır.
Qeyd edək ki, iyunun 2-də Sünikdə Fransanın baş konsulluğunun açılacağı bildirilib. Bəzi ekspertlər bunun konsulluq yox, Fransanın kəşfiyyat bölməsi olduğunu iddia edirlər.
“İrəvanla Bakı arasında sülh müqaviləsinin imzalanmasına kömək etməyə hazırıq”
İrəvandan Bakıya qarşı təxribat: Azərbaycanla sərhəddə Fransanın kəşfiyyat xidməti açılır
Qərb Cənubi Qafqazda “yeni gərginlik ocağı” yaratmaq istəyir - Lavrov
"Sülhməramlıların məsuliyyət zonasında da gərginlik var" - Paşinyan
Rusiya XİN: Azərbaycan və Ermənistan barışığını dəstəkləməyə hazırıq