Honkonq və Sinqapur səhiyyə orqanları Asiyada yeni xəstəlik dalğasının yayılması fonunda COVID-19 yoluxma hallarının kəskin artması barədə xəbərdarlıq ediblər.
Bu barədə “Bloomberg” agentliyi məlumat yayıb.
Şəhərin Səhiyyə Mühafizəsi Mərkəzinin yoluxucu xəstəliklər şöbəsinin rəhbəri Albert Au bu həftə bildirib ki, hazırda Honkonqda virusun aktivliyi kifayət qədər yüksəkdir. Təsdiqlənmiş yoluxma hallarının sayı il ərzində ən yüksək həddə çatıb, ağır halların sayı da artıb.
Agentlik vurğulayıb ki, xəstəliyin artması hələ son iki ildə müşahidə olunan yoluxma zirvələrinə çatmasa da, COVID ilə əlaqəli tibbi məsləhətləşmələrin və xəstəxanaya yerləşdirmələrin sayı virusun aktiv şəkildə yayıldığını göstərir.
Sinqapur Səhiyyə Nazirliyi xəstəlik hallarının artmasını əhalinin immunitetinin zəifləməsi ilə əlaqələndirib. Onlar qeyd ediblər ki, dövriyyədə olan variantların pandemiya dövründəkindən daha yoluxucu olduğuna və ya daha ağır hallara səbəb olduğuna dair heç bir əlamət yoxdur.
Azərbaycanda COVİD-19-un yeni ştamı yayılıb? - Nazirlikdən açıqlama
Azərbaycanda koronavirusun yeni variantı aşkarlanıb? - RƏSMİ
Dünya üzrə meymunçiçəyinə 257 yolxuma halı aşkarlanıb
Koronavirusa qalib gələn ilk yer məlum oldu–
“Soyuq havalarda yoluxma arta bilər” – Təyyar Eyvazov