Şəhid BABƏK VƏFADAR oğlu ABİDOVun doğum günüdür

Bu gün (3 may) Şəhid BABƏK VƏFADAR oğlu ABİDOVun doğum günüdür. Şəhidimiz 1992-ci ilin 3 may günündə Şabran rayonunun (dövrünün Dəvəçi rayonu) Zeyvə kəndində anadan olub.
2016-cı ilin aprel ayının əvvəllərində (2 aprel) cəbhədə erməni təxribatı baş verir. Həmin vaxt Babək Abidov Talış kəndi istiqamətində xidmət edirmiş. Cəbhə xəttində mövqelərimizə basqın edən erməni silahlılarını geri oturdan Babək və döyüş yoldaşları, düşməni təqib edərək, bir postu ələ keçiriblər.
Bu əsnada gizir Babək Abidovun döyüş yoldaşı ağır yaralanır: Babək görüb ki, xidmət yoldaşı yaralanıb və heç nəyi düşünmədən onu xilas etməyə qayıdıb. Bu zaman 12 mərmi yarası alıb və dostu ilə qol-boyun, qəhrəmancasına Şəhid olublar. Nur içində yat qardaş.Mövludun mübarək igid