Vatikan Roma Papası Fransiskə məxsus iki hakimiyyət simvolunu ləğv etmək üçün prosedur həyata keçirib.
Bu barədə Müqəddəs Taxt-Tacın mətbuat xidmətinin rəhbəri Matteo Bruni brifinqdə məlumat verib.
Söhbət qurğuşun möhürdən və “Balıqçı üzüyü” adlanan simvollardan gedir. Ənənəvi olaraq, pontifik apostol məktublarını imzalayarkən onlardan istifadə edirdi.
"Onlara simvolik olaraq xaç işarəsi qoyulur", - Bruni deyib.
Papa hakimiyyətinin iki simvolunun ləğvi mayın 6-da kardinalların sonuncu ümumi yığıncağında baş tutub. Bu prosedur Roma Katolik Kilsəsinin yeni rəhbərinin seçilməsindən əvvəl baş verib.
Papa Fransisk Pasxa bayramından bir gün sonra, aprelin 21-də səhər saatlarında vəfat edib. Onun 88 yaşı var idi. Son zamanlar papanın səhhətində ciddi problemlər yaranıb. O , aprelin 26-da Vatikanda dəfn edilib .
Kardinalların konklavı yeni Roma Papasını seçmək üçün mayın 7-də toplanacaq. Dünyanın hər yerindən yaşı 80-dən aşağı olan təxminən 135 kardinal iştirak etmək hüququna malikdir.
Yeni Papa nə vaxt və necə seçiləcək? – Ağ tüstü göründükdə...
Papadan SÜLHƏ ÇAĞIRIŞ: "Heç kim müqəddəs yerlərdə..."
Yeni Papanın seçilməsi üçün imanlılara ÇAĞIRIŞ EDİLDİ
Roma Papası 12 qadının ayağını yudu və öpdü
Paşinyan Papa ilə nəyi müzakirə edib?