Bir çox insanlar bayramlardan əvvəl tez şəkildə arıqlamağa çalışırlar, ona görə də, axşam yeməyindən imtina edirlər və qəlyanaltıların sayını azaldırlar. Ancaq tez-tez belə ciddi məhdudiyyətlərdən sonra artıq çəki nəinki geri qayıdır, həm də sağlamlıq problemləri yaranır.
Bu barədə rusiyalı həkim, endokrinoloq Raisa Dementyeva KP.ru-ya müsahibəsində danışıb.
"İnsan orqanizminin karbohidratlara çox ehtiyacı var. Biz bu karbohidratları qəbul etmədikdə, qaraciyər tam gücü ilə işləyir. Əgər belə bir superyüklənmə uzun müddət davam edərsə, qaraciyər zamanla orqanizmin, əslində, nə qədər karbohidratlara ehtiyacı olduğunu "hiss etməyi" dayandırır və lazım olduğundan daha çox ifraz etməyə başlayır", - deyə Raisa Dementyeva bildirib.
Mütəxəssisin sözlərinə görə, qeyri-müntəzəm qidalanma və ekstremal diyetlər halında öd kisəsi də əziyyət çəkir. Safra (öd) qalınlaşır və zamanla içində daşlar əmələ gələ bilir.
Həkim həmçinin qeyd edib ki, psixofiziki yüklənməyə sərf olunmayan artıq ifraz olunmuş karbohidratlar yağ şəklində yığılmağa başlayır. Buradan da artıq çəki və həzm sisteminin xəstəlikləri ortaya çıxır.
Səhər yeməyindən imtina etdikdə orqanizmdə nə baş verə bilər?
Saat 18:00-dan sonra yeməkdən imtina arıqlamağa kömək edir? - Mütəxəssisdən CAVAB
Diabetin gözlənilməz yeddi erkən əlaməti açıqlandı
Səhər yeməyindən imtina etməyin təhlükələri nələrdir? - Rusiyalı həkimdən tövsiyə
Səhər acqarına bir stəkan su içmək faydalıdırmı?