Fransa və Ukrayna prezidentləri Emmanuel Makronla Vladimir Zelenski Parisdə görüşüblər.
Makron Yelisey sarayında Zelenski ilə birgə mətbuat konfransı keçirib.
Konfransda Fransanın Ukraynaya 2 milyard avro məbləğində yeni hərbi yardım paketi ayıracağı açıqlanıb.
“Bu gün Ukraynaya 2 milyard avro məbləğində yeni dəstək paketini elan etmək istərdim. Bu dəstək Ukrayna Silahlı Qüvvələrinin prioritet ehtiyaclarına uyğun olmalıdır”, – Makron bildirib.
Məlumata görə, yardım paketinə MILAN tank əleyhinə raketlər; hava hücumundan müdafiə vasitələri: MICA raketləri; aviasiya üçün raketlər (“Mirage” təyyarələrinin təchizatı); “Mistral” yerüstü müdafiə raketləri; AMX-10RC zirehli maşınları; distant idarə olunanlar da daxil olmaqla döyüş sursatları daxildir.
Həmçinin Fransanın müdafiə müəssisələri ilə əməkdaşlıq çərçivəsində Ukraynada texnika istehsalı maliyyələşdiriləcək.
Qeyd edək ki, Zelenski martın 27-də keçiriləcək təhlükəsizlik sammitinə hazırlıq məqsədilə Parisə səfər edib.
İsveç Ukraynaya gəmi əleyhinə raketlər verəcək
Ukraynaya 260 milyonluq hərbi yardım
Makron Putin və Zelenski ilə danışıqlar aparıb
Zelenski bu ölkədən yardım İSTƏDİ
Ukraynaya daha 800 milyon dollarlıq hərbi yardım edəcəyik - Bayden