Yuxu çatışmazlığı immun hüceyrələrinə piylənməsi olan insanlarda müşahidə olunanlara bənzər dəyişikliklərə səbəb olur. Hətta bir gecəlik yuxusuzluq belə immunitet sisteminin işinə ciddi təsir göstərə bilər.
Bu barədə Küveytin Dasman Diabet İnstitutunun alimləri açıqlama veriblər. Onların araşdırmaları "The Journal of Immunology" elmi nəşrində dərc olunub.
Komanda müəyyən edib ki, 24 saat yuxusuz qalan sağlam insanlarda monositlərin - iltihabla mübarizə aparan əsas immun hüceyrələrinin profili dəyişir. Bu dəyişikliklər piylənmədən əziyyət çəkənlərdəki dəyişiklikləri xatırladır, bu da pis yuxu ilə xroniki iltihab arasında əlaqəni göstərir.
Orqanizmi patrul edən və iltihabi siqnallara reaksiya verən qeyri-klassik monositlər piylənməsi olanlarda və yuxusuz qalanlarda xeyli artıb. Bu, yuxu keyfiyyətinin pisləşməsi və iltihabı artıran markerlərin səviyyəsinin yüksəlməsi ilə əlaqələndirilib.
Xroniki yuxu çatışmazlığı 2-ci tip diabet və ürək-damar xəstəlikləri kimi iltihabi xəstəliklərin inkişafına şərait yarada bilər.
Rejimsiz yuxunun fəsadları
Bütün günü işdə və yolda yuxulu olmaq nəyin əlamətidir?
Yuxusuzluq problemi olanlar üçün təbii vasitə
Göz altında qara dairələr - Ciddi xəstəliklərin 5 gizli əlaməti
Hansı yuxu sağlam yaşlanma ehtimalını artırır?